“LA EDUCACIÓN ES MUCHO MÁS QUE EDUCACIÓN FÍSICA, PERO MUY POCO SIN ELLA” (Hammeleck, 1976)

Deportes

Bádminton
A orixe do Bádminton atópase na India (Asia), a partir dun xogo chamado “Poona”. Chegou a Inglaterra por medio do exército británico arredor de 1870 e os primeiros campionatos leváronse a cabo en 1897. En España comezouse a xogar nos anos 60, en A Coruña e Vigo. Desde 1992 o Bádminton é un deporte Olímpico.

É un deporte de adversario que se xoga con unha raqueta e un volante (ou pluma), no que se enfrontan dous xogadores/as (individual) ou dúas parellas (dobres), situados nas metades opostas dunha pista rectangular dividida por unha rede. Os xogadores/as deben golpear coa raqueta o volante, para que pase por encima da rede e caia no campo contrario. O campo mide 13,40x5,18 metros en encontros individuais e 13,40 x 6,10 metros en encontros de dobres. O partido consta de 3 sets de 21 puntos cada un, onde hai que vencer en dous para gañar.


Balonmán
O balonmán naceu en Europa a finais do século XIX. Nos seus inicios, xogábase ó aire libre, en campos de grandes dimensións e en equipos de once xogadores/as. Estas regras estandarizáronse en 1926, pero co paso dos anos comezouse a practicar en pista cuberta, o que fixo que o número de xogadores/as se reducira a sete.

O Mini-Balonmán é un deporte colectivo de colaboración-oposición no que cada equipo está formado por 5 xogadores/as, incluído o/a porteiro/a. Xógase nunha pista de 20 metros de longo por 13 de ancho, delimitada por liñas para diferenciar os espacios, e onde o obxectivo é introducir o balón na portería contraria por medio de lanzamentos coa man. A pelota pósese botar, pasar e lanzar coas mans. O partido divídese en 2 partes, que á súa vez se subdividen en 2 períodos de 10 minutos de xogo, con 2 minutos de descanso entre eles e 6 minutos entre parte e  parte. 
Atletismo
O atletismo é considerado o deporte organizado máis antigo do mundo. Abarca numerosas disciplinas agrupadas en carreiras (de velocidade, media distancia, fondo, con vallas, campo a través, relevos…), saltos (de lonxitude, altura, triple salto, salto con pértega), lanzamentos (peso, xavelina, martelo…) e probas combinadas.

A palabra atletismo proven da palabra grega "atletes", que se define como «aquela persoa que compite nunha proba determinada por un premio», dita palabra grega está relacionada con vocablo alethos que é sinónimo da palabra «esforzo». O atletismo é a arte de superar o rendemento dos adversarios en velocidade ou en resistencia chamado tamén fondo, en distancia ou en maior altura. O número de probas, e os tipos, variaron con paso do tempo, polo que esta disciplina foi evolucionando ó longo dos séculos, dende as primeiras probas ata a súa regulamentación actual.

O atletismo é un dos deportes máis practicados a nivel mundial, xa sexa entre afeccionados ou en competicións de todos os niveis. A simplicidade e os poucos medios necesarios para a súa práctica explican este éxito.
O OSO BERNI: Deportes

Ningún comentario:

Publicar un comentario

Subscribirse a: Publicacións (Atom)